السلامو عليكم
انا كنت ناوي ابعد شويه علشان ورايا شوية امتحانات وشيتات ووجع دماغ
بس النهارده ماينفعش ابعد
ماينفعش اني ما اكتبش النهارده
النهارده الذكري الرابعه لاحتلال العراق
الذكري الرابعه لمقتل العروبه
الذكري الرابعه لاحتلال عاصمة الرشيد
الذكري الرابعه لاعلان وفاة العرب
ذكري لبدء حمله احتلال جديده لبلاد العرب
ودلوقتي بعد أربع سنين
مش شايف غير ذل ومهانه
وأخوات بيقتلوا في بعض
وعملاء بيحكموا ويتحكموا في البشر
أصلهم كانوا جايين يقولوا أنهم هايحققوا الحريه والديموقراطيه
وان العراق هاتكون هيه القائده للجميع
والعراق هيه اللي هاتخلي الدول العربيه كلها تحتذي حذوها
وان العراق هاتكون واحة الحريه والديموقراطيه
وسط صحراء قاحله من الانظمه المستبده
بس انا مش شايف غير ذي ما قال عمي احمد مطر
في مقلب القمامة ،
رأيت جثة لها ملامح الأعراب ،
تجمعت من حولها النسور والذباب ،
وفوقها علامة ،
تقول هذي جثة كانت تسمى سابقا كرامة
أحتلوا وأغتصبوا أحنا وقفنا نبص وحكامنا بيساعدوا علشان ما يبقوش ذي مهيب الركن
مهيب الركن اللي ضيع العراق وأهان وكشف كل العرب
وفي الاخر بعد ما ذلوه وذلونا معاه مات بطل وشهيد
ودلوقتي انتم شايفين أكتر مني
شايفين التقتيل والتدبيح ما بين الاخوه
شايفين الاكراد العملاء وهما بيحكموا العراق مكافئه ليهم علي تعاونهم
شايفين المالكي
شايفين التهجير
شايفين العراقين وهما غرباء عن العراق
والدور علينا
بعد ما يخلصوا من العراق الدور علي سوريا
وبعدها علي مصر
وبعد مصر يبقي خلاص
ماتت بلاد العرب
ومتنا
أنا مش عارف ليه انا حابب عمي أحمد مطر النهارده
وحابب ان البوست كله يبقي من شعره
بعد ألفي سنة تنهض فوق الكتب ،
نبذه عن وطن مغترب ،
تاه في ارض الحضارات من المشرق حتى المغرب ،
باحثا عن دوحة الصدق ولكن عندما كاد يراها حية مدفونة وسط بحار اللهب ،
قرب جثمان النبي ،
مات مشنوقا عليها بحبال الكذب ،
وطن لم يبق من آثاره غير جدار خرب ،
لم تزل لاصقة فيه بقايا من نفايات الشعارات وروث الخطب ،
عاش حزب ا لـ...، يسقط ا لـخـا...، عـا ئد و...، والموت للمغتصب ،
وعلى الهامش سطر ،
أثر ليس له اسم ،
إنما كان اسمه يوما بلاد العرب
تعرفوا ان سبب ده هوه حكامنا
الأعادي ،
يتسلون بتطويع السكاكين ،
وتطبيع الميادين ،
وتقطيع بلادي ،
وسلاطين بلادي
يتسلون بتضييع الملايين ،
وتجويع المساكين ،
وتقطيع الأيادي ،
ويفوزون إذا ما أخطئوا الحكم بأجر ا لا جـتها د ،
عجبا، كيف اكتشفتم آية القطع، ولم تكتشفوا رغم العوادي
آية واحدة من كل آيات الجهاد
ياريت ماكونش تقلت عليكم
بس عمي أحمد مطر كان عبقري وهوه بيعبر عن كل اللي جوايا
تحياتي
No comments:
Post a Comment