السادس من أبريل

اجماع شعبي

اضراب عام

الناس هاتقعد في بيوتها وهاتعتصم في البيوت

وأن شاء الله هايكون فيه خير

أن شاء الله الحكومه هاتزود المرتبات وهاتحل أزمة العيش

والقمع والاستبداد هاينتهي

وهانبدأ تجربه ديموقراطيه أمريكا هاتحسدنا عليها

أنا حسيت أن ده اللي هايحصل من كلام الناس في المدونات وفي جرايد المعارضه

وحتي فيه ناس في الشارع أتكلمت معايا في الموضوع ده

أنا حاسس أن فيه تفأول

وفيه أحساس جميل لمسته بنفسي في الشارع وسط الناس العاديين

أنا مش عايز أكون متشائم

أنا نفسي الاضراب ده يحقق كل مطالبه

ولكن

كيف يمكن أن نأخذ حقا بدون المطالبه به

كيف يمكن أن نعطي الحريه بدون دفع ثمنها

كيف يمكن أن نجبر بالسكون ما لم تجبره الحركه

كيف

أنا مش عارف ليه أنا مش متطمن

أنا عايز تكون حركه وليست وقفه

التغيير علي طوال تاريخ البشريه كل أشكال التغيير كانت عن طريق حركات وليست وقفات

.

كم من المرات وقفنا

وكم من المرات صرخنا

.

ولم يحدث شيئا

.

.

كل المرات التي لم نتحرك فيها تم المصادره علي موقفنا

راجعوا معي تاريخ مصر الحديث

هل جاء في التاريخ أي اشاره عن وقفه أو اضراب مؤثر

كل المذكور في كتب التاريخ هو الثورات العظيمه لشعب مصر

كل النتائج جائت عن طريق حركات وليس عن طريق وقفات أحتجاجيه

.

شئ من هذا النوع لم يذكر قط في كل كتب التاريخ

أن نقبع صامتين في منازلنا

ونتحدث عن عظمة الموقف الذي أتخذناه

عن عظمة السكوت والسكون

.

لن يتغير شئ الا بالحراك

ولن يكون هناك حراك مادام هذا هو أسلوبنا في الفكير

أعتقد أن هذه هي المعضله

خبر من السكه

كان فيه في مبني أمن الدوله اللي عندنا في مدينة نصر حركه غير عاديه النهارده

كان فيه ظباط كتير جدا حوالين المبني وده مش طبيعي

والاكتر من كده كان فيه كذا لواء موجود هناك

.

بيحضروا ليوم الاضراب وأحنا بنقول خليكوا في البيت

طيب بالذمه ده كلام

.

مش اللي يدعوا أن الناس تقعد في بيوتهم

ممكن يدعوا أن الناس تخرج لميدان التحرير

فيه ناس كتير قوي هاتروح وهاتشارك

وبعدين الناس بتقول أجماع قوي المعارضه

أنا مش شايف الاجماع ده

أنا مش شايف ولا واحد من الاخوان أتكلم في الموضوع

.

أنا مش عارف أستفيض في الموضوع
بعيد عنكم ورايا أمتحان بكره

.

ان شاء الله أشوفكم يو 6-4-2008 في ميدان التحرير

أن شاء الله نقدر نعمل حاجه

ودي هيا خطوة البدايه

.

.

تحياتي للجميع