صوره

صوره

لواحد ماشي في الشارع

لكلب بيهبهب عليه

وعسكري غلس واقف

علي ناصية طريق ضايع

محجوب عنه النور

زي القلوب البور

سواد بطعم الصبر

يمكن نفق في الارض

رايح لحد القبر

ما يروحله غير واحد

مظلوم ودايق مر

غرقان وشايف بر

غضبان وعايش حر

بس الطريق مسدود

بغيط جزر وعصايه

منصب كبير لأديب

بايع ضميره لديب

تسمع لرجله دبيب

شغال في مصر جبايه

بيحكم وحكمه دنئ

واقف في وش برئ

خايف لحد جرئ

يعلي صوته كفايه

لكلب واطي لعين

وشله مالهاش دين

وفساد لحد الصين

بيكتب بجد نهايه

نهاية نظلم بأيدين

دايبين ألم وأنين

كسروا القيود ..حرين

نظام بيحكي حكايه

بدموع وظلم سنين

وأيام بلون الطين

وعذاب لبني أدمين

ليهم أمل في بدايه

مافيهاش كلاب ولا خوف

ولا راجل عجوز مهفوف

بكره العذاب هايشوف

ويكون لخلفه أيه

.

قال الحق

( فاليوم ننجيك ببدنك لتكون لمن خلفك اَيه)

.

.

.

.

كنت حابب أكملها بس ظروف الامتحانات اللي هاتمنعني عنكم الفتره اللي جايه

أنا أن شاء الله كل فتره هازوركم وأطمن عليكم

.

المشكله اني متعلق بيكم كلكم

وهاتوحشوني كلكم

.

ياريت تدعولي في الامتحانات

.

حبي للجميع