يوم 22 -2 -2008
بيمر 50 سنه علي وحدة مصر وسوريا تحت مسمي الدوله العربيه المتحده
بيمر 50 سنه علي وحدة مصر وسوريا تحت مسمي الدوله العربيه المتحده
المشكله أن الوحده دي ما استمرتش أكتر من 3 سنين
وكان مدير مكتب المشير عبد الحكيم عامر عامل أنقلاب في الحكم في سوريا
وتم فصل الدولتين
ملحوظه صغيره
بكره يوم 26 -2 -2008
هاتحكم المحكمه العسكريه علي شرفاء الوطن المدنيين
بعد محاكمه هزليه أستنفذت فيها الحكومه جميع الحيل القذره والشريفه لاستمرار حبس هؤلاء الشرفاء
بعد مصادرة أموال وخراب بيوت وحرمان ابناء من أبائهم
بعد التعدي علي دكاترة الجامعه العظماء
بعد فصل نواب الشعب اللي بجد
بكره
الحكومه
هاتحكم
بالموت
علي
الحياه
السياسيه
في
مصر
أنا ماكنتش هاكتب عن الموضوع ده
أنا موضوعي الاصلي هو اتحادنا مع سوريا
من خمسين سنه
كنا بلد واحد أحنا وسوريا
ومعرفش بداية الفرقه كانت أمتي
ونهايتها هاتكون امتي
فرقاء
كرذاذ الموج
أصلنا واحد
ونوعنا واحد
وكنا كيان واحد
ثم أصبحنا رذاذ
يتبخر مائنا
ولا يبقي
سوي أسوء الأملاح
فرقاء
رغم الاحضان
وتبادل القبلات
فرقاء
ولو أدعينا العكس
ومددنا أيدينا
وتلاصقت أطرافنا
ولو مارسنا الحب
فرقاء
واتحادنا
يكون لموت أحدنا
وبعد العزاء
نقول قتلنا أخر الأنبياء
فرقاء
والجميع سوانا
سعداء
ونحن
اذا ما جمعنا القدر والقضاء
نتفق علي كوننا
فرقاء
ووحدتنا رياء
ولو تجمعنا
أصبح تجمعنا عزاء
يتقابلون
يتعانقون
يتبادلون مراسم التكريم
يتناقشون
في مصائر الشعوب
ولا يتفقون
ينفقون خلال اللقاء ملايين الجنيهات والدنانيير والريالات
والشعوب
لا يجدون ما يقيمون به الظهور
يتفاخرون يتهادون السيوف ويمرحون
ونحن
نملك جميع أعراض الطاعون
.
.
.
عمي أحمد مطر بيقول ايه
ترك اللص لنا ملحوظه
فوق الحصير
جاء فيها
لعن الله الامير
لم يترك شيئا نسرقه
الا الشخير
.
.
9 comments:
عجبنى اوى الجزء ده
ترك اللص لنا ملحوظه
فوق الحصير
جاء فيها
لعن الله الامير
لم يترك شيئا نسرقه
الا الشخير
...
بينى وبينك ما ينفعش يبقى فى وحدة بين العرب ..اصلا العرب ضد الحاجات دى ..اصلها بتجيب امراض
وغير كدة فى رأيى انا ..الوحدة اللى كانت بين مصر وسوريا كانت غلطة من الغلطات اللى وقع فيها جمال عبد الناصر
والحمد لله انها انتهت من زماااااااااااان اوى
وربنا مع المظلومين ان شاء الله
تحياتى
:)
أميرتي
oceaneyes
المقطع ده لعمي أحمد مطر الشاعر العراقي الرائع
وصح الوحده بتجيب أكتئاب
بس أكيد الوحده هيا السبيل الوحيد للقوه
أمريكا علي سبيل المثال شوية ولايات متحده مع بعضها ولو كانت متفرقه مكانتش أمريكا بقيت بالقوه دي
علي العموم
نورتيني
تحياتي
مكتوب علينا بجد نشوف عذاب بادينا وهى ايه الدنيا غير شويه ايام هنجاهد فيها مع انى مش اخوانى لكن ارفض المحاكمه
عبقال لما نشوف اتحاد جميع الدول الاسلامية على قلب رجل واحد
حتى يعود الى هذا الاسلام مجده من جديد
ربنا يسامحك يا حوده
قلبت علينا المواجع
و أهوه المحاكمة إتأجلت
يا عالم بكره فيه إيه ؟.
وحده عربيه بين مين وفين طيب كمل
امتى ده
طيب بس ابقى قولى هااااااااا امتى دى بأمارة ايه
اتحادنا يكون لموت أحدنا
لو تجمعنا أصبح تجمعنا عزاء
صح...للأسف دي الحاجات الوحيدة اللي بتوحدهم وتجمعهم الأيام دي
إدعوا للفلسطينيين لأنهم بيمروا بمجازر بشعة دلوقتي و إحنا... برده فرقاء و محدش سامع لنا صوت
يارب نقدر نتحد قريب كلنا ونكون قوة بجد
تحياتي لقلمك
تحياتى ليك ولاحمد مطر
احنا اتفقنا على ان لا نتفق
ليه ياعم
همه سيبينا نعرف ننام علشان نعرف نشخر
؟!!!!!!!!!!!!!!!1
Post a Comment