أنا محتار جدا
مش عارف أكتب ولا ما أكتبش
مش عارف أعيش ولا أموت
مش عارف أحب ولا أكره
بجد مش عارف
مش عارف ليه لما يسيطر عليا أحساس ما في لحظه معينه في اللحظه التانيه بيضيع مني
مش عارف ليه لما أبدا احب بيتولد مع الحب ده الخوف
ومفيش حب مع الخوف
مش عارف ليه في اللحظه اللي بكون فيها مبسوط اوي لازم أفتكر أني عايش في مصر
مش عارف ليه مليان احباط
مش عارف احنا فين
ورايحين علي فين
أين نحن
ضاعت العراق
ضاعت فلسطين
أضعنا أنفسنا
ولازلنا نياما
أو أمواتا
اين نحن؟
من العظماء
من عمر
وخالد
وأبي الدرداء
أين نحن؟
أنحن خير أمه
أم كثير كغثاء البحر
أم مجرد
لا شئ
مجرد حلم
أحلم به
وسوف أستيقظ
فيبدوا أن وجودي مزيف
وتاريخي مزور
وكلامي
وكل الحياه
أين نحن؟
وأين هم؟
هم في محراب العلم ساجدون
ونحن في محاريب الجهل غارقون
بما سواه كافرون
هم في الحروب ساده
ولا هم لنا سوي
أهدائهم رمز السياده
ومعرفتش أكمل
وقفت
عقلي عاندني
ايه اللي هايحصل بعد ما تكتب
.ايه اللي هايعود عليك
أنك قولت رائيك
انك عبرت عن اللي جواك
وبعدين
أنا مش عارف وبعدين
ومش عارف أنا بكتب كده ازاي
أو ليه
عايز أكتب وخلاص
أكتب أي حاجه ولأي حد
ممكن تكون حالة تهييس
المشكله كل المشكله أني مش قادر اربط أفكاري
مرتبك ومشوش ومخنوق ومش عارف ليه وده خانقني أكتر
ساعات بحس ان قلبي هاينط من مكانه
مش عارف ليه برده J
وساعتها بحس أني بحب الدنيا كلها
بمقدار الحب يا محبوبتي
أحبك
بمقدار الليل الاسود
يشقه ضوء ثناياكي
أحبك
بمقدار الحياه
أحبك
عندما يتطابق الشيئين
تكونين أحدهما
وأكون ألأخر
عندما يهب النسيم
حاملا عبق الزهر الاحمر
النابت بخصائل شعرك
لا يكون في الكون
سواكي
مرتبك ومش مرتب أفكاري
مش عراف ارسي علي جنب
ومش عارف أن ليه رخم كده
أنا مش عارف
ومحتار جدا
أنا أسف لكل اللي هايقرا الكلام ده
بجد اسف
ياريت محدش يحلف انه مش هايعتب المدونه دي تاني
7 comments:
لا تاسف يا صديقى
واقسم بالله ان كل من سيقرا تدوينتك الاخيره سيستمر فى متابعة مدونتك اكثر مما قبل
موضوع رائع بالفعل
انا صح غبت لفترة طويلة عن المدونة بتاعتك ..بس اكيد انت عارف انها ظروف امتحانات والحمد لله خلصت على خير وربنا يوفقك يارب فى امتحاناتك القادمة ان شاء الله واللى فاتت
...
اما بالنسبة للبوست ده ..فده بوست بجد حلو ..مش لانك فيه زعلان او مكتئب او متضايق او متخوف من شىء معين ..لا ابدا ..بس لانك اتكلمت فيه عن نفسك وطلعت اللى جواك
وياريت عشان ما تزعلناش منك بس ..ياريت ما تقولش تانى ابدا اننا مش هاندخل عندك تانى لمجرد انك مكتئب او زعلان وبتطلع اللى جواك
واعتقد احنا فايدتنا هنا بتتمثل فى النقطة دى ..اننا نقف جنبك ونساعدك
ولا ايه ؟!!!
اتمنى تكون فى حالة احسن المرة الجاية الللى هاجى فيها هنا
تحياتى
:)
انا رديت على تعليقك على فكره
وكنت عايزك تشارك معانا فى مدونة
صرخة
المناضلون
ابعتلى ايمياك علشان ابعتلك الدعوه
سلام يا صاحبى
إزيك أولا
كنت جاية أقول مبروك الأجازة، بس واضح إني هقول كلام تاني
كتير بحس إحساس الضياع دة..وأكيد انت عارف كدة كويس أوي، ومش بيخرجني منها غير الدعاء كتير لربنا.... وبصراحة انتو يابلوجرز كمان بتساعدوني أوي أوي
طبيعي محدش هيسمع كلامك حتى لو طلبت إننا مش نزور البلوج تاني لأنك شخصية كويسة... ومش طبيعي يفضل الواحد طل الوقت فرحان ولا طول الوقت زعلان
بس واضح إن الحزن دة بالعدوى جامد أوي :) بس هقوللك برده إنك من الناس اللي كلامها كان بيساعدني أوي وأنا مخنوقة.. فيارب أقدر أساعد بالتعليق دة بأي طريقة
و زي ما أوشن آيز قالت...إحنا فايدتنا إننا بنسمع بعض و نحاول نساعد بعض
ربنا يزيل عنك كل هم و حزن قريب جدا إن شاء الله
الحق استمتع بأجازتك وغير جو، و بلدنا إن شاء الله هيرجعلها النور في يوم من الأيام، لعله قريب
:)
لا تيأس
أسلوب كتابتك أكتر من رائع بجد ماشاء الله
هعدي كمان كام يوم اتطمن عليك يابشمهندس
هو الاسف مش غلط لكنه فى حد ذاته لمن لايطيق الصراحه وبصفه اخرى انا فعلا عجبتنى اوى البوست ده ولازم اقلاالك حاجه تانى ؟
البوست جميل جداً ولا تأسف لما فيها من واقع انت بكل بساطة ترجمت الواقع فى جمل بسيطة وفعلا احنا محتاجين لصحوة ....
تحياتى
......أكيـــــد
akeed.blogspot.com
سلام عليكم
أين أنت؟؟؟؟
يارب تكون أحسن دلوقتي...حتى لو مش عايز تكتب تاني بجد أتمنى تكون أحسن كتير دلوقتي"وأكيد أتمنى تكتب قريب تاني" طبعا
و الحزن مش هيغير حاجة للأسف. ربنا يسعدك ويفرج همك
طمننا عليك،إحنا كلنا عائلة واحدة في البلوجز مش تنسى كدة
Post a Comment