الحريه وقارئة الفنجان

النهارده كنت بسمع حليم
مش عارف ليه كنت حابب اسمع قارئة الفنجان قوي

المهم سمعتها وياريتني ما سمعتها
قلبت علي مواجع كتير
وكمان حسيت ان نزار وهو كان بيعملها وعلي كأنه باصص علي مصر دلوقتي

تقروها الاول وبعدين اقولكم اللي حاسيت بيه

جَلَسَت والخوفُ بعينيها
تتأمَّلُ فنجاني المقلوب
قالت:
يا ولدي.. لا تَحزَن
فالحُبُّ عَليكَ هوَ المكتوب
يا ولدي،
قد ماتَ شهيداً
من ماتَ على دينِ المحبوب
فنجانك دنيا مرعبةٌ
وحياتُكَ أسفارٌ وحروب..
ستُحِبُّ كثيراً يا ولدي..
وتموتُ كثيراً يا ولدي
وستعشقُ كُلَّ نساءِ الأرض..
وتَرجِعُ كالملكِ المغلوب

بحياتك يا ولدي امرأةٌ
عيناها، سبحانَ المعبود
فمُها مرسومٌ كالعنقود
ضحكتُها موسيقى و ورود
لكنَّ سماءكَ ممطرةٌ..
وطريقكَ مسدودٌ.. مسدود
فحبيبةُ قلبكَ.. يا ولدي
نائمةٌ في قصرٍ مرصود
والقصرُ كبيرٌ يا ولدي
وكلابٌ تحرسُهُ.. وجنود
وأميرةُ قلبكَ نائمةٌ..
من يدخُلُ حُجرتها مفقود..
من يطلبُ يَدَها..
من يَدنو من سورِ حديقتها.. مفقود
من حاولَ فكَّ ضفائرها..
يا ولدي..
مفقودٌ.. مفقود

بصَّرتُ.. ونجَّمت كثيراً
لكنّي.. لم أقرأ أبداً
فنجاناً يشبهُ فنجانك
لم أعرف أبداً يا ولدي..
أحزاناً تشبهُ أحزانك
مقدُورُكَ.. أن تمشي أبداً
في الحُبِّ .. على حدِّ الخنجر
وتَظلَّ وحيداً كالأصداف
وتظلَّ حزيناً كالصفصاف
مقدوركَ أن تمضي أبداً..
في بحرِ الحُبِّ بغيرِ قُلوع
وتُحبُّ ملايينَ المَرَّاتِ...
وترجعُ كالملكِ المخلوع


ايه رائيكم
الاول اقول رائ انا

انا حسيت ان حبيبتي هيه حريتي
الحريه المسروقه مننا
الحريه المحبوسه في قصر العروبه

الحريه التي تحرسها الكلاب والعسس

حريتي

وحسيت ان انا وانتا وكلكم بطل القصه

وحسيت ان اللي بيقراء الفنجان هوه التاريخ

بيقولنا علي اللي حصل وعلي اللي هايحصل

التاريخ اللي بيحكيلنا عن الطغاه كما يروي قصص العظماء

التاريخ الذي قال لنا من نحن
وللأسف انهم لم يستوعبوا ما قال

التاريخ الذي سطره الاجداد هو الذي يدلنا علي ما حدث وما سيحدث

الم يتذكروا ما حدث في الامس القريب

في يوم السادس من اكتوبر عام 1981

الم يكونوا هناك شهودا

الم يعتبروا بما حدث

الم يقرائوا التاريخ ام انهم من الغباء بحيث لم يقربوه

الم بعتبروا بمن سبقهم

الم يروا كيف اتوا الي مقاعدهم

وكيف ذهبت عنهم سلطتهم

لقد كنتم جميعا تحضرون يوم الكرامه والثأر لمصر

ثم حولتموه الي ذل واحتقار

ثم حضرتم يوم ثار شعب مصر

يوم قتل الطاغيه بايدي شعبه

بايدي ابنائه كما كان يدعي

ثم ماذا فعلتم لتتجنبوا هذا المصير

اقول لكم ماذا فعلتم

قتلتم
واغتصبتم
وعذبتم
واهنتم
واعتقلتم

ثم ماذا
اردتم توريثنا الي من ترغبون

وكاننا عبيدا تشتري وتباع وتورث

الي النجل

ونسيتم ما قاله التاريخ علي لسان احد عظماء مصر

علي لسان عرابي

لقد ولدتنا امهاتنا احرارا ولن نستعبد بعد اليوم

لم تقراو التاريخ ولم تعيروه انتباها

ولسوف تندمون علي هذا



وقمت .. بكيت من فؤاد أم ثكلى

ونهنهت فوق صدر مصر العريض

على العالم المبدورين جنبي قتـلى

وكان دمعي ينصب في النيـل يفيض


واقول ليه يا مصـر ولادك كـده

يا إمـا المذله يا يتـجبـروا

يا خوفـي يا فـرحة قـلوب الـعدا

ويا نـدمـي لو ما يتغيـروا

من الملحه الرائعه علي اسم مصر لعمنا صلاح جاهين

عرفتم انكم مش بتقروا تاريخ

لو كنتم قريتو التاريخ كنتم لقيتم نفسكم فيه

في مزبلته

في خانة الطغاه والظلمه

موجودون بجوار النازيه والفاشيه

لم تحترموا شعوبكم ولهذا لم تحترمكم شعوبكم

جعلتموها خائفه مهمشه مزعوره

فهنيئا لكم

هنيئا لكم ما اردتم

يا ميت ندامة على أمة بلا جماهير
ثورتها يعملها جيشها

ومالها غيره نصي
ر والشعب يرقص كأنه عجوز متصابي
إنهض من القبر احكي القصة يا عرابي
يطل لي رافع الطهطاوي م التصاوير
شاحب ومجروح في قلبه وجرح قلبه خطير
وعيونه مغرورقين بيصبوا دمع غزير
على اسم مصر

بحبك والله يا عم صلاح

بحبك وانتا بتحط ايدك علي الجرح وبتضغط عليه

فعلا احنا السبب

احنا سبب ذلنا ومهانتا وقتلنا وصلبنا

احنا اللي عطيناهم الفرصه دي

احنا اللي نايمين مش عايزين نصحي

بس هاطمنك واقلقهم

خلاص بدانا نفوق من الغيبوبه

خلاص يا عم صلاح بدانا نمشي ونتحرك ونقول لأ والف لأ

خلاص يا عم صلاح

اول الغيث قطر ثم ينهمر

وان شاء الله النايم لازم يصحي

وهنغير يا عم صلاح

هنغير نفسنا الاول

(ان الله لا يغير ما بقوم حتي يغيروا ما بانفسهم)

وبعدين الدور عليهم

لازم نغييرهم يا عم صلاح

لازم احنا اللي نحكمهم ونحكم نفسنا

مش هما اللي يحكمونا

ربنا يرحمك يا عم صلاح

كنت هاتحب تشوف اللحظه دي
لحظة التغيير

بس ان شاء الله يا عم صلاح احنا هانشوفها

تعرف ليه

علشان دي بلدنا احنا زي ما قلت يا عم صلاح

مصر اللي عمر الجبرتي لم عرف لها عمر

وطلع لقاها مكان مليان عوام وزعر

جعيدية غوغاء يجيبوا تملي وجع الراس

وخليط أفارقه هنادوة روم ملل أجناس

والترك في القلعة والمماليك خدودهم حمر

كان عمرها ستلاف سنة .. كلها سنين خضر

بس الزمان يختلف زي اختلاف الناس

ناس تبني مجد وحضارة وناس بلا احساس

وناس تنام لما يزحف موكب الأحداث

على اسم مصر

احنا مش هاننام يا عم صلاح احنا صاحين ومستبين لحظتنا

اللحظه اللي هانملك فيها كرامتنا هانملك فيها حريتنا

وخلاص ياعم صلاح

هانموت الكلاب

والعسكر دول اخواتنا

وخلاص قلوبنا ماتت

نسينا كلمة الخوف


بحياتك يا ولدي امرأةٌ
عيناها، سبحانَ المعبود
فمُها مرسومٌ كالعنقود
ضحكتُها موسيقى و ورود
لكنَّ سماءكَ ممطرةٌ..
وطريقكَ مسدودٌ.. مسدود
فحبيبةُ قلبكَ.. يا ولدي
نائمةٌ في قصرٍ مرصود
والقصرُ كبيرٌ يا ولدي
وكلابٌ تحرسُهُ.. وجنود
وأميرةُ قلبكَ نائمةٌ..
من يدخُلُ حُجرتها مفقود..
من يطلبُ يَدَها..
من يَدنو من سورِ حديقتها.. مفقود
من حاولَ فكَّ ضفائرها..
يا ولدي..
مفقودٌ.. مفقود

تحياتي
الشارد

حلم

صباح الخير

يا صباح اللي بتغني

ماشي يا ظريف

ايه النظام النهارده

ابدا هانذاكر علشان امتحان يوم الاتنين

طيب يا عم غميت نفسي علي صباحية ربنا (الساعه واحده الضهر ) وبين قلق وورق وامتحانات ومسائل وحلول بقيت أنا زي ما أنا

التوتر واخدني ورايح عالم تاني لا فيه مذاكره ولا امتحانات ولا دكاترهولا حتي نظام

عالم خاص بيا أنا لوحدي

ممكن اكون طاير مع الصقور او غطسان مع الحيتان او بجري جنب الفهود

عالم بحكم فيه نفسي بضميري

عالم ممكن يكون المدينه الفاضله وممكن يكون العكس

ما أنا الحاكم وضميري هو السلطان

وأنا تايه في العالم بتاعي فجأه تذكرتها

هذا الوجه رأئع الجمال ممتلئ التفاصيل

عيناها التي تشرق منهما شمس عالمي

وجهها الحاد كعاصفة رمليه لا تستطيع ان تري سواها

انفها الملكي

شفتاها وما أدراك ما شفتاها منهل حريتي ومنبع حياتي

فانا اسير هاتين الشفتين

تتكلم فاصمت تبجيلا وتوقيرا لصنيعة الله

تأمرني فلا أستطيع الرفض

لا أقاوم وهي من حقوقي

فأنا في عالمي في مدينتي وهي مليكتي

عندما تمشي بهذا الشكل الملكي أراني وقد وقفت ناظرا تاركا دنياي منتظرا لحظتي

ان تهمس لي وانا اهمس لها

أن اهوي غريقا في بحور عيناها

ان تصتادني شفتاها في هذه الشبكة الرائعة الحسن

أراها سيدة عمري وملكة حياتي وأميرة خيالي

أراها شمسي التي تضئ لي الطريق

اراها أملي في مواجهة اليأس

أنتظر طوال حلمي أن تعلنها

أن تصرخ في وجههي

ان تقولها

أحبك

وفي هذه اللحظه تنقلب حياتي

أصير حبيبها بدلا عن عبدها فانا اكره العبوديه

أصير سيدها بدلا من خادمها

وعندما أنطق بحبها

لا أشعر بنفسي ال من خلالها

ما هذا التناقض ما هذه الهلوسه

قوليها من فضلك

فأنا القوي الذي لم أهتز لأمرأة سواك

أعترفي لي

فأنا راهبك وانت عذرائي

انت حلمي وأملي وروحي

أنت كل ما لدي في عالمي

عايزين نحل الاينجين ميكانيزم ده يا معلم

مش عارف انا ليه ساعتها كنت عايز اجيب سكينه و أموت صاحبي أموت نفسي وراه

خلاص بقي لقيت نفسي صاحي من الحلم ومفيش لا صقور ولا نسور ولا حيتان ولا شمس ولا قمر ولا أي حاجه

واتصدمت بالواقع

الامتحان بعد بكره وفاضل شابترين لسه ما اتفتحوش

وفي هذه اللحظه قعدت أذاكر

تحياني

سراب

مصر امي بلدي معشوقتيحب حياتي

مقدر لي ولها ان اراها تعيش الوهم تنتظر الامل وهي الباعثه له

تنظر الي الافق عللها تجد فاقتها

قائمة في صحراء ليس لها بدايه او نهايه

عطشي وهي بلد النيل

تبحث عن الماء تنظر الي السراب وتتجه نحوه تريد السقيا

ولكنه للاسف مجرد سراب

سراب الحريه

سراب العداله

سراب يقدمه الينا من بيده الماء

يقدم الينا الامل الكاذب في غد افضل

في مكان تحت شمس مصر

مصر

الغرقي في بحر لجي تتخبطها رياح الغدر وموجات العدوان وحيتان الفساد

ينتهش جسدها وتسرق خيراتها ويستعبد ابناها

ويؤله رئيسها

ويعتقل مفكريها ويهجر علمائها وينافق صفوتها

كل هذا وما زال بها قلب ينبض وأنفاس تتحرر وعقول تولد

ما أعظمك يا مصر

ما أعظم اهلك يا مصر

وما أغناك يا مصر

وما أكثر خيرك المنهوب يا مصر

لولا فساد حكامك لاصبحتي أغني بلاد الدنيا

ولولا سلبية اهلك ما أصبحت بهذا الضعف

ما أضعفك وما أهونك علي أهلك يا مصر

ماذا فعلتي بهمكي يصبحوا بهذه البلاده

ماذا فعلنا بك كي تصبحي بهذه القسوه

ما أقساك يا مصر

المك المي وحربك حربي وحياتك حياتي فديتك بنفسي يا مصر

ولكني اكره ان أراك بهذا السفه

لما يستخفون بنا يا مصر

كم يستخفون بك يا مصر

يريدونكي ان تظلي تائهه في صحرائك غريقه في بحورك

يقدمون اليك العدم وينتظرون الحياه

يدعون ان تظلي كا انتي

قاسية عل اهلك حانية عليهم

ولكنهم لا يقراؤن تاريخك

لا يعلمون قدرك

يجهلون موهبتك

ولو انهم قرأو وعلموا واقروالكانوا اقرب اليك منهم الي انفسهم

لكنت اهمهم كما انت امي

لقدموا اليك انفسهم كما اريد ان اقدمها اليك

لأرادوا الخير لك ولأهلك

لمنحوك حريتك

لكسروا قيدك

لما وقفوا في وجهك

لما ارادوك ذليله منقاده عبده

يا مصر

يا أم الدنيا

يا قلب العرب

يا حبي الأوحد

اعتذر اليك

أريد نصرتك

ولكني مكبل بقوانين هم واضعيها

قوانين تحرمني حريتي

يريدون نزع الكلمات من العقول

يحسبون اننا بلهاء خرس صم عمي

لا يعلمون

لا يعلمون أن فينا من لا يتصورون وجوده

لا يعلمون أنكي يا أمي في قلوبنا

لا يعلمون انهم خرجوا من قلوبنا الي غير عوده

لا يعلمون انهم بدوننا لا شئ واننا بدونهم كل شئ

يا ليتهم علموا

لو علموا لما استعبدونا لما احتقرونا لما اعتقلونا لما استذلونا

لما ولما ولما ولكنهم لا يعلمون

لو يجدوا من يعلمهم بقدرنا

من يحرج معترضا عليهم

من يقول لهم نحن احرار نحن اصلكم نحن سادتكم وأنتم عبيدنا

نحن الذين وصعناكم في اماكنكم

نحن رصيدكم في مواجهة الايام

نحن كل شئ

ولكنهم لم يعلموا

بل علموا انهم الاسياد ونحن العبيد

وعلموا أنهم الصفوه ونحن الحرافيش

وعلموا انهم محكومون بمن يجلس خلف المكتب البيضاوي

وعلموا ان البيت الابيض بيده مقادير الحياه

وعلموا وعلموا وعلموا

ولكنهم لم يعلموا

ولو علموا ان الحياه بيد الله لما ظلموا

لما عاهدوا لما هادنوا لما ذلو

ولكنهم احفاد فرعون مصر

أحفاد الحجاج

وتربية الاستعمار

هذه اعمالنا هذا فسادنا هذه دنيانا

نحن من جعلناكي قاسية علينا

نحن من تركنا لهم حياتنا ليتحكموا بها وبنا

نحن من تركناهم يجعلونك تائهه ضائعه وسط صحرائك القاسيه

غريقة في بحار من الظلمات

نحن من تركناك لهم

أعتزر اليك يا أمي

أعتزر عن حماقتنا

أعتزر عن جبننا

أعتزر اليك عن كل ما فعلت

عن السلبيه عن الانتهازيه عن الانانيه

عن حالة السراب التي نعيش

أحبك يا أمي أكثر من نفسي

ولكن يدي مغلوله لا استطيع تحريكها لا ادري ماذا أفعل

أاواجه ام اهرب

أأحميكي ام اتخلي عنك وعن نفسي

اخضع لهم ام اخضع لك

بحبك يا مصر

الشارد

ام الدنيا

مصر ام الدنيا

مصر ارض الكنانه

مصر الامن والامان

شعارات ورا شعارات

كلام في كلام

ام الدنيا

تخيلوا لو مصر ام الدنيا كانت الدنيا اتعاملت معاها ازاي

كانت الدنيا احترمت مصر واتعاملت معاها علي اساس من المحبه والعرفان بالجميل مش بالحقدوالنظره الدونيه اللي الدنيا كلها بتبص لنا بيها

مصر الان لديها ثقل سياسي زي اللي عند جزر القمر بالضبط لاء علشان ما نظلمش جزر القمر لانممكن يكون لها ثقل في المنطقه بتاعتها

لامريكا ومن قبلها اسرائيل (slave) مصر ام الدنيا اصبحت في عهد مبارك تابعا وياريت مجرد تابع لاء دي الصبحت عبده

مصر اللي كانت في عهد عبد الناصر اقوي بلد في المنطقه

مصر اللي حررت بلاد كتير من الاستعمار مش قادره تحرر نفسها من العبوديه

مصر اللي حققت اكبر معدل نمو في العالم في ظل اشتراكية ناصر عليها دلوقتي 40 مليار دولار دين خارجي و500 مليار جنيه دين داخلي

مصر اللي الحكومه اتغيرت علشان قرش زياده في كيلوا الرز

دلوقتي رئيس الوزرا بيقول لازم نستحمل الغلاء

هما مين اللي يستحملوا الغلاء وليه حاطط النون في الكلام المفروض تكون تستحملوا مش نستحمل

لانكممش بتحسوا بالغلاء الا بقي لو حابب تشتري قصر في مرسي عمل

ياحرام الغلا واكل منكم رئات وبيهددكم في قوت عيالكم يا حرام

والله احنا مش حاسين بيكم انتم تتعبوا وتموتوا غلشان تشتروا القصر من دول وتحوشوا الدولار علي الدولار لحد ما يبقي معاكم 34 مليون دولار وتروحوا تشتروا القصر ياعيني تلاقوه وصل 35 مليون دولار يا حرام

طيب بلاش نستحمل خلونا في موضوع مصر

مصر اللي كانت في عهد ناصر كلمتها سيفوكان لما ناصر يخطب العالم كله يقف علي رجلين علشان يسمع ويحلل ويشوف مصر بتفكر في ايه

طيب دلوقتي ايه رأيكم احكموا انتم ان مش ها اتكلم

مصر اللي كانت القلب والعقل في العالم العربي دلوقتي راحت فين

انا عارف راحت فين

مصر راحت في الوبا

راحت المعتقلات

هاجرت من البلد

مصر هاجرت من مصر

اتقتلت مصر اتقتلت

مصر راحت

ومش باقي منها غير شوية تراب

اهلها في المعتقلات وفي السجون وفي امن الدوله

مصر

ام الدنيا

ام الكون

امي انا

للاسف انا لواحدي اللي حاسس انها ام بجد رغم قسوتها علينا

مصر بقت اسيه اوي علي اهلها علي ولادها

مصر بقيت اسيه علي مصر

النخل في العالي والنيل ماشي طوالي

معكوسه فسه الصور مقلوبه وانا مالي

يا ولاد انا في حالي زي النقش في العواميد

زي الهلال فوق مدنه بناها عبيد

وزي باقي العبيد بجري علي ولادي

عمي صلاح جاهين

تحياتي

مهزله

الأمن

ماذا تعني هذه الكلمه

هذه الكلمه لها معاني كثيره وعديده وكلها تتعلق بالامان والسلام وعدم الخوف ولكن في مصر هذه الكلمه لها معني مختلف

فالأمن في مصر كلمة تعني الخوف

الخوف من الاعتقال

الخوف من الذل

الخوف من الاهانه

فألأمن كلمه لها طابع فريد وخصوصا في بلدنا مصر ولقد تعايش الناس مع هذا الطابع واتخذوه مبدأ لهم

أمن = خوف

ولكن ان يمثل ألأمن دور اللصوص ويقوم باختطاف الناس من من منازلهم ويقتحم عليهم عزلتهم

وياريت الناس دول مجرمين بالعكس دول طلية جامعه محترمين ومتفوقين وفي كليات القمه

فهؤلاء الشباب هم مستقبل مصر وعقول من ارقي العقول بها بغض النظر عن اتجاههم السياسي

وبالاضافه الي جريمه الاختطاف فهناك الجريمه الاشنع وهي اختطاف هؤلاء الطلبه من المدينه الجامعيه

لجامعة الازهر

وتم احتلال جامعة الازهر من خلال الامن الذي دنس حرم المدينه الجامعيه

واحتل الجامعه

الجامع والجامعه

الازهر الشريف

ايه راي سيادتك دلوقتي

اعتقد انهم بيحاولوا يرسخوا مفهوم جديد للامن في مصر

مصر ألأمن وألأمان

وهو

الأمن = مافيا

عصابه من اللصوص لا تعبأ بوازع من دين او ضمير او حتي الدستور او قانون الطوارئ

لا تعبأ الابحطام الدنيا

وبالتحكم في مصائر الناس

اللي فات ده كلام وخلاص صح

طيب شوفوا اللي حصل الساعه3.40 فجر يوم الخميس 14/12-2006 في تاريخ اسود جديد يضاف الي القائمه السوداء للامن الصري

في هذه اللحظات السوداء

اقتحمت قوات خوف الدوله المدينه الجامعيه لجامعة الازهروقاموا باختطاف

180

دكتور ومهندس

من مبني واحد

متخيلين سكان مبني كامل في مدينه جامعيه يتخطفوا

وياريت جات علي كده دول كمان قاموا في نفس التوقيت باقتحام شقق الطلبه في الحي السادس والحي السابع بمدينة نصر

وتم اختطاف بعض الطلبه من هذه الشقق

ومع العلم فان جميع المختطفين لديهم امتحانات

وعدد منهم كان لديه امتحانت صباح اليوم الخميس

ايه رائيكم

أمن ولا خوف

سلام ولا رعب

امل ولا يأس

ايه رائيكم لما الامن يقتحم الحرم الجامعي

أيه رائيكم لما الناس تتخطف وهي بتذاكر

لما باب الشقه يتكسر والناس اللي فيها يصحوا علي كسرة الباب

ولما الشباب يتثبت بالسلاح ولا المجرمين

ولما ينيموهم علي بطنهم ويحطوا السلاح في دهرهم

انتا ممكن تفكر ان دي شقة مسجلين خطر بس بالعكس دي شقة طلبه

ومش اي طلبه دول طلبه في هندسه وفي طب

حرام يدخلوا الشقق وثبتوا الناس ويفزعوهم

وياريت جات علي شقق الصبيان بس لا دول كمان دخلوا شقق البنات

اه والله العظيم ده حصل وحصل الساعه كام

الساعه4 الفجر

متخيلين رجال واسف ان اطلق عليهم رجال خوف الدوله في شقق بنات مغتربات الساعه 4 الفجر والله العظيم حرام

وايه مش قوه بتقتحم وبس لأ دول محاصرين الشوارعوالسلاح دايما مرفوع

اصل فيه حرب اهليه ومنع تجول

واللي يخنق ان مغظم الطلبه المخطوفين في اخر سنه ليهم في الكليه

متخيلين 6 او 5 سنين تعب ومزاكره واجتهاد وفي الاخر ماتعرفش تدخل الامتحان

ياربي علي الذل والهوان

للدرجه دي احنا بقينا صراصير عند الحكومه

بس الحمد لله احنا ما وقفناش سلبيين

وف ساعة ما عرفنا الخبر الحزين ده الطلبه كلهم نزلوا وحاولوا يخرجوا بره اسوار المدينه وكانوا هايخرجوا

لولا العسس منعوهم 10 - 20 عربية خوف مركزي ومئات من جنودنا البواسل اغلقوها بعصيهم ودروعهم ورصاصهم

وصلينا الفجر بسروة سي كامله في ركعه واحده واستمر الطلبه في مظاهرتهم

دي صوره بسيطه للي حصل في جامعه الازهربمدينة نصر

اعتقال للشباب وارهاب للشيوخ

ومن هنا يمكن طرح سؤال

ما هي البلد الوحيد في العالم اللي اتهرب منها 200 مليار جنيه علي مسؤلية عزيز صدقي

اين البلد اتي ماسكها محتكر الحديد زالصلب والرجل الثالث في النظام والذ ديدن لميناء الاسكندريه ب 500 مليون جنيه ويرفض السداد

البلد التي يتم تزوير ارادهارادة شعبها

البلد التي رئيسها يحكم من 25 سنه ويرفض التنحي

البلد التي رئيسها مؤله بيده كا ما في الدوله

اعتقد ان الدوله الوحيده في العالم التي يحدث فيها هذه الافعال هي

مصر

المأزق

فراغ* فراغ* فراغ*فراغ

مصر تعيش هذه الايام في دائره مفرغه من رد الفعل فقط

ليس هناك فعل بل ردة فعل عنيفه للغايه ضد معظم الشرفاء

حيث انه في مصر لا مكان للشرفاء تحت الشمس بل في المعتقلات وعند الامن

شرفاء مصر

كل العظام المقيمين الان بمصر

الذين استضافتهم اجهزه الامن علي نفقه الدوله في معتقلات من فئة غوانتاناما

افرحوا ومن كتر الفرح عيطوا علي مصر

عيطوا علي 30 طفل ماتوا والامن لسه يادوب مكتشف الموضوع

ليه؟

علشان بيقدملكم واجب الضيافه

علشان بيحمي الكيان الهلامي اللي اسمه رئيس الجمهوريه

علشان مش فاضيين ينزلوا يدوروا علي 30 طفل

علشان بيكرهوا الشعب اللي هو اللي عاملهم هو مصر

مصر= شعب مصر

انا مش قادر اكمل

علي اسم مصر التاريخ يقدر يقول ما شاء
انا مصر عندي اهم واجمل الاشياء
بحبها وهي مالكه الارض شرق وغرب
وبحبها وهي مرميه جريحة حرب
بحبها بعنف وبرقه وعلي استحياء
وأكرها وألعن ابوها بعشق زي الداء
واسبها واطفش ف درب وتبقي هي ف درب
وتلتفت تلاقيني جنبها في الكرب
والنبض ينفض عروقي بألف نغمه وضرب
علي اسم مصر



عمنا صلاح جاهين

مقدرش اقول اكتر من كده