كل سنه وانتوا طيبين

يوم 22 -2 -2008
بيمر 50 سنه علي وحدة مصر وسوريا تحت مسمي الدوله العربيه المتحده

المشكله أن الوحده دي ما استمرتش أكتر من 3 سنين

وكان مدير مكتب المشير عبد الحكيم عامر عامل أنقلاب في الحكم في سوريا

وتم فصل الدولتين

ملحوظه صغيره

بكره يوم 26 -2 -2008

هاتحكم المحكمه العسكريه علي شرفاء الوطن المدنيين

بعد محاكمه هزليه أستنفذت فيها الحكومه جميع الحيل القذره والشريفه لاستمرار حبس هؤلاء الشرفاء

بعد مصادرة أموال وخراب بيوت وحرمان ابناء من أبائهم

بعد التعدي علي دكاترة الجامعه العظماء

بعد فصل نواب الشعب اللي بجد

بكره

الحكومه

هاتحكم

بالموت

علي

الحياه

السياسيه

في

مصر

أنا ماكنتش هاكتب عن الموضوع ده

أنا موضوعي الاصلي هو اتحادنا مع سوريا

من خمسين سنه

كنا بلد واحد أحنا وسوريا

ومعرفش بداية الفرقه كانت أمتي

ونهايتها هاتكون امتي

فرقاء

كرذاذ الموج

أصلنا واحد

ونوعنا واحد

وكنا كيان واحد

ثم أصبحنا رذاذ

يتبخر مائنا

ولا يبقي

سوي أسوء الأملاح

فرقاء

رغم الاحضان

وتبادل القبلات

فرقاء

ولو أدعينا العكس

ومددنا أيدينا

وتلاصقت أطرافنا

ولو مارسنا الحب

فرقاء

واتحادنا

يكون لموت أحدنا

وبعد العزاء

نقول قتلنا أخر الأنبياء

فرقاء

والجميع سوانا

سعداء

ونحن

اذا ما جمعنا القدر والقضاء

نتفق علي كوننا

فرقاء

ووحدتنا رياء

ولو تجمعنا

أصبح تجمعنا عزاء

يتقابلون

يتعانقون

يتبادلون مراسم التكريم

يتناقشون

في مصائر الشعوب

ولا يتفقون

ينفقون خلال اللقاء ملايين الجنيهات والدنانيير والريالات

والشعوب

لا يجدون ما يقيمون به الظهور

يتفاخرون يتهادون السيوف ويمرحون

ونحن

نملك جميع أعراض الطاعون

.

.

.

عمي أحمد مطر بيقول ايه

ترك اللص لنا ملحوظه

فوق الحصير

جاء فيها

لعن الله الامير

لم يترك شيئا نسرقه

الا الشخير

.

.

حكايه وتعليق

كنت أنا وجماعه أصحابي في الهرم امبارح

وأحنا مروحين خرجنا من عند البوابه اللي عند مسرح الصوت والضوء

المهم

بعد ما وقفنا شويه حلوين يجي نص ساعه كده الحمد لله فيه أتوبيس رايح الجيزه السواق تعطف وتكرم ووقف

ركبنا الاتوبيس

كنا ست شباب زي الورد

المهم

ركب معانا اتنين من ايطاليا

زي ما عرفنا بعد كده

المهم

اتكلمنا أحنا السته معاهم

وقعدنا نهزر

بعد شويه

هجم علي الاتوبيس التتار

المصريين اللي بجد

وبقي الاتوبيس مفيش فيه موضع قدم زي ما بيقولوا

المهم

بنتكلم مع أصحابنا الاجانب بالانجليزي

لقينا بقي الكلام

.

بلدنا دي أحسن بلد في الدنيا

.

اللي مش عاجبه من الكحل ما يتكحلش

.

.

.

.

الي أخر القاموس

أنا بصراحه أتخنقت

وكل ما أرد عليهم وأقول كلمه أصحابي يلغوشوا عليا

.

خايفين عليا

بصراحه انا تعبت أمبارح جدا من الناس الغلابه اللي مش لاقيين لقمة العيش وبيقولوا علي بلدهم أحسن بلد

الناس اللي ركبوا أتوبيس كان عامل زي علبة السردين

ومش عاجبهم أننا نتكلم

المهم

كان اليوم هايعدي علي خير لولا أننا كنا عايزين نروح سينما

طيب هاندخل فيلم ايه

أتفقنا ندخل الجزيره

طيب

ركبنا المترو وقلنا هانلاقي الفيلم ده في سينما روكسي

روحنا روكسي والفيلم مكانش موجود

فقمت أتسحبت من لساني وقلت يلا نروح سيتي ستارز

وياريتني ما قولتها

روحنا سيتي ستارز لقينا المول مش عارف حجمه أتضاعف

مفيش مشاكل

دخلنا المول

بصراحه

منظر البشر اللي جوه المول أستفزني جدا

ناس نضيفه

بجد

ما ركبوش مواصلات قبل كده

المهم

رحنا ركن السينما

التذكره 25 جنيه

مفيش مشاكل

ادينا الفلوس لواحد مننا علشان يقطع التذاكر

بصراحه

لما ندفع 150 جنيه علشان نتفرج علي فيلم

صعبه قوي

فصاحبنا عمل حوار علينا والمهم مشينا

بعد ما قولت أنا مش هادخل المكان ده تاني غير لما أكون حرامي

مشينا بعد ماعرفت أن البلد دي مش بتاعتنا

وكل اللي أنا عايزه

أنهم يسيبونا

دعونا

دعونا نقتل أنفسنا

دعونا نلاقي منيانا

دعونا نريحكم منا

دعونا نحمل أسيفنا

ونرجم أشعارنا

ونهجوا ألسنتنا

ونرقد وتذبح أعناقنا

.

فلسنا لكم الا كمثل الرزق لقارون

وأنتم لنا أسيادنا

فلن نتبقي الا كما أردتمونا

.

ولن تتبقوا الا كأصنام الهه

.

وقال الرسول لقد يئس الشيطان أن يعبد

ولكننا عبدناه

سننا له القانون

وتعدينا لأجله علي الدستور

.

وكل ما فعله

أنه يمارس حقه

.

ونحن

صامتون

.

واذا تكلم أحدنا

ففي جهنم الدجال يشوي

فقط

لأنه تكلم

.

وتخرج نشرة الأنباء

تمجد في المسيخ الدجال

تقول أنه أعظم الرجال

وأحكم الرجال

.

بينما الذي تكلم

فقد كفر بالأله

ومن كفر يقتل

كما قال أئمة الفقهاء

.

ولا يهم

من يأخذ العزاء

في وطن علي وشك الفناء

في حلم

في أمل

في كل أسباب البقاء

لا يهم

.

لا يهم

سوي أن تزيد مفاتيح الكنوز

مفتاح

.

لا يهم

سوي أن يبقي المسيخ الدجال

ويحكم ولده مقيدا الجميع بالأغلال

رافعا كل شعر الرزيله

مشيدا أعظم صروح الضلال

.

لا يهم

.

فنحن جامدون

ميتون

والبعث لا يأتي سوي يوم الحساب

.

لا يهم

فالتغيير لا يتأتي بالكلمات

وأسقطنا من لغتنا جميع الفعال

.

لا يهم

مجرد همسه

كل سنه وأنتوا طيبين

عيد حب سعيد

أنا كنت محضر كلام بس مع حالة الفرح العامه اللي أحنا عايشين معرفتش أكتبه

أه هيا صحيح سعاده ينبت من قلبها الحزن

بس مفيش مشاكل

أعتذر عن الغياب بس أنتوا عارفين النت كان قاطع

وأخوكم كان في البلد والنت هناك وحش بجد

أنا عارف أنكم هاتعذروني

.

.

.

كلمتين بمناسبة عيد الحب

.

بمرور الايام قد تحدث اشياء كالخيال

اشياء لا تتصور حدوثها

وقد لا تريدها ان تحدث

وقد تتمني حدوثها

فقد تصبح شخصا اخر لوطن اخر لحياة جديده

قد تحدث لك اشياء تجعلك من الامراء والملوك

وقد تتهدم احلام عمرك امام ناظريك

قد تصبح ما تتمني ان تكون

وقد تضحي مجرد خيال

هذه هي الحياه وهذا أنا

لا ادري ولا اريد ان ادري ماذا سيحدث

أكره ان افكر في المستقبل ولكني لا استطيع التوقف عن التفكير

لا استطيع تجاهله ولا احب التفكير فيه

لا أقدر أن أنساه لا اريد ان اتذكره

هذه حياتي وهذا انا مجرد مجموعه من المتناقضات

مجرد حزمه من الافكار المتنافره

فأنا اليساري المتعصب والليبرالي المتحرر واليميني المتشدد

أنا كل هؤلاء بلا روابط بلا علاقات

فأنا الثوري بلا ثوره وانا المحارب بلا معركه وانا القائد بلا جيش وأنا الزعيم بلا وطن وأنا العاشق بدون عشق

ولكني وجدت هؤلاء كل هؤلاء

وجدت ثورتي في شفتيك

وجدت معركتي في الوصول اليك

وجدت جيشي في اهدابك

وجدت وطني في عينيك

ووجدتك انت

وجدتك او أنت وجدتيني

لا يهم

الذي يهم هو هذه الحاله

وكيف تستمر

فانت انثاي ألأولي

امرأتي الاولي

ملهمتي الاولي

وليس يهمني سوي ان تصبحي الاخيره

فأنا لم أكن قبلك سوي رجل

ولن أكون بعدك سوي رجل

ولكني معك

امير متوج علي كل حياتي

لا استطيع ان افشل معك

فلن اتحمل نتائج هذا الفشل

وفي كل هذا سوف تظلين الاخيره

أوتعلمين امرا

اني لا استطيع الكلام امامك

فصوتك يأخذني ألي اعماق الحياه

عندما تضحكين

يا ألله

مالهذا الشعور من وصف

وكأن كل كنوز الارض بين يدي

عندما تهمسين ولا اسمع كلامك

وكان كل بساتين الياسمين تغني

وكأنك تتكلمين الي قلبي دون المرور بي

لسوف أراك دائما زهرة بريه تنبت في صحراء حياتي

ينبوعا دافئا أوي اليه في المساء

حبي اليك يا من غيرت حياتي

يا من جعلتني اتقلب علي ألأشواق كل الاوقات

يا من جعلتني افكر فيها دون لقاء

حبي اليك يا من جعلتني ما اصبحت عليه منذ عرفتك

أشتاق اليك

.

.

.

ممكن العنوان مايكونش متركب علي الكلام بس أنا كان نفسي أكتبه كده

Almost Whisper

مقطوعه جميله جدا لياني

تحياتي للجميع