الفتره اللي فاتت بعد ما كنت خلاص المفروض أني خلصت وفضيت طلع لي عفريت أسمه مشروع التخرج
وبعد طحن وعجن وخبز وطلعان عين الحمد لله
خلصت
وناقشت المشروع
عموما الحمد لله أنا نجحت
أمتياز في المشروع
وتقدير السنه دي جيد جدا
أكيد أكيد هاتفرحوا
وأكيد أكيد هاتقدروا غيابي
خلاص دلوقتي الحمد لله بقيت عاطل بأنتظار الجيش
وسوف نوافيكم بأخر الأنباء
دمتم بكل كل الود
أخوكم
5 comments:
ألف مبروك يا محمود
فرحت عشانك كتير
بالتوفيق دايماً يارب
:))
أختك
Lyssa
الف مبروك يا محمود
وربنا يوفقك وتلاقى شغل كويس
الفتره دى بعد الراحه لازم تحاول تلاقى اى مكان للتدريب لان دا اللى هيفتح سوق العمل قدامك
اما عن فتره الجيش خليها على الله
عوده حميده
صباحك سكر
الف مليون مبروك يا محمود
و ان شاء الله ربنا يوفقك و تشتغل فى مكان كويس
ربنا يسهل فى موضوع الجيش دا
انت تستحق كل خير و الله
الف مليون مبروك مرة تانية
تحياتى
يويو
الف مبروووووووووووووك
بس ايه يابنى الغيبه دى كلها
طب فين الحاجه الساقعه والجاتو توزع على البلوج كلهم اومال تنجح كده وخلاص
ياله مستنينك
:))
طب ارفع إيدك
مش بيقولوا الناجح يرفع إيده؟؟ :).ألف مبروك بجددددد
فرحت أوي أوي الحمدلله
عقبال كل الناس اللي لسة جوا المصيدة
مرحبا بك في ميدان العاطلين:)). يارب مش تستمر فيها كتير خالص، و أهه رمضان جاي وإن شاء الله تستغله كويس وتستمتع بيه جدا المرة دي
اممم...عارفة إنك ممكن أوي مش تصدقني. بس بجد بقالي كام يوم فاكراك أوي وعايزة آجي أعدّي على البلوج هنا أتطمن عليك..من قبل ماتيجي مدونتي بجد
معلش على تأخيري بأة:$، بس بجد معظم الوقت فاكراك في دعائي يا أخويا الصغير اللي بيفكرني بأول فترة لي في المدونات"وأحلى فترة بيني وبينك" :). مستنييك بوست جديد
ومبروك تاني :))
Post a Comment