المجهول
خلاص بقينا في الامتحانات
-----
شارد ما بين الورق والقلم
أذاكر موادي .... يا دي ألألم
من مايو ليونيه ... يحيا الملل
دي فتره عصيبه جدا في عمر ألأمم
____________
أراهم يتجهون نحو المجهول
---
مواد كتير
يا سيدي
ده العقل يشيل
زي الزكيبه
تشيل البصل
____________
ده راجل عجوز بس ما بقاش عجوز الا بعد ما مر بالتجربه
----
سؤال غبي
وفين القضيه؟؟؟؟
شوية حراميه
سرقوا عقولنا
وحطوا بدالها
دماغ كمبيوتر
يحفظ يصم
أبداع
فكك من ده غم
يلا
بلا ملاحظه
وبلا استنتجات
_____________
ورقة اجابه
حلوه وبيضه
بعد الامتحان
زرقه وسوده
.
.
.
علي دماغي طبعا
---
أدعولنا يا جماعه نحن الان بنمتحن
ان شاء الله أشوفكم تاني قريب
يعني علي 8-6 كده ولا حاجه
تحياتي
8 comments:
ياعينى
معلش متزعلش
مسيرك تخلص وتقعد جنبنا
تقول ولايوم من ايام الدلع بتاعت الكليه
ياله ربنا معاك
ومستنينك
:)
ربنا يوفقك أخي
شد حيلك
وان شاء الله تمر أيام المذاكرة والامتحانات علي خير
بالتوفيق ان شاء الله
ربنا يعينك ويوفقك يارب
اتوكل على الله وشد حيلك
ما تجيش على نفسك قوي يعني ماتسهرش وكده لان كل ده بياثر على التفكير والتركيز
ادعي ربنا كتير
واجتهد واعمل اللي عليك
وهتهون باذن الله وتعدي
ويارب تخلص على خير الايام دي
خلاص حتى انا هكون على ابواب الامتحانت في شهر 6
ربنا يعينا كلنا
ربنا معاك ويوفقك وترجع باحلى الدرجات
مسنينك
:)
ضحكني أوي البوست الزعلان دة. معلش بأة ربنا يعينك و يعين كل اللي بيمتحنواوتكون الامتحانات بسيطة
الصور اللي مختارها حلوة أوي
معلش. هم كلهم في مصر بيتعاملوا مع مخ الطلبة بطريقة غلط. ربنا يوفقكوا كلكوا وتخلص الامتحانات بسرعة
صباحك سكر
ربنا يعينك يارب
ويوفقك وتعدى فترة الامتحانات على الف خير
اللهم آآآآمين يارب العالمين
و الله بكرة يا محمود تقول ولا يوم من ايام الدراسة
بجد ايام الدراسة دى مش تتنسى بيكون فيها ذكريات حلوة
ربنا يوفقك يارب
فى انتظار عودتك على خير ان شاء الله
تحياتى
يويو
إن شاء الله بالتوفيق
وبإذن الله من نجاح إلى نجاح
خالص تحياتي
وليد
ان شاء الله خير
بالتوفيق يا رب
يمكن دى تكون أول زيارة لمدونتك
بس ان شاء الله مش آخر مرة
بوست بجد تحفة وجميل
تحياتى
...............
لا تعتـ رضوى ــذر
Post a Comment