شارد وحداني وحيد
جوه الحياه زي العبيد
بيصرخ من شدة الالم
يصرخ حتي في يوم العيد
شارد وشفت العجب
نور الصباح أحتجب
أقبح ما شفت الظلام
كان في بلاد العرب
شارد وعيني ع القمر
ميت عايش فين الامل
عايش ومستني الموات
وميت علي ضي القمر
شارد وتايه في الزحام
وبشر كتير ما تقولش كام
ماشيين كتير ماشيين قليل
كلهم رايحين نفس المكان
-----------------------------------
تحياتي للجميع
8 comments:
:عجبتني اوي
شارد وتايه في الزحام
وبشر كتير ما تقولش كام
ماشيين كتير ماشيين قليل
كلهم رايحين نفس المكان
بس لاحظت معايا ان كل الرباعيات بتبتدي ب"شارد"؟ كده يبقي اسمها شارديات مش جاهينيات
:)
الجميل ان كل "قصيدة"رغم ايجاز كلامها بتعبر عن معاني كتير و مختلفة عن بعضها
تحياتي لك
اهوة ده البوست اللي الواحد يقراه و يقول الله......بما اني عاشقة لصلاح جاهين...
واصل و الى الامام يا ريت نشوف جاهين تاني
تحياتي الى الاحساس الجميل
nour
ربنا يجبر بخاطرك يارب
وبعدين شارديات مين دا يدوبك حاجه لا تذكر اصلا بالنسبه لعمي صلاح جاهين
منوره دايما
تحياتي
نقطة مية
ايه المجامله الجامده دي
أنا مقدرش علي كده يا جدعان
وجاهين تاني دي مستحيله
تحياتي
كلام جميل واكثر من رائع
استمر
تحياتى
يا سيدي والله ما مجاملة ولا حاجة...فعلا حاجة قيمة بجد
انا جيت اكتب الكوممينت بتاعى لقيت
fad-fadat nour
دخلت جوا دماغى وسرقته منى
اكتر حاجة عجبتنى فعلا هى
شارد وتايه في الزحام
وبشر كتير ما تقولش كام
ماشيين كتير ماشيين قليل
كلهم رايحين نفس المكان
حتى شارديات اللى كنت هكتبه برضه كأقتراح لقيته مكتوب فى نفس الكوممينت
توارد خواطر عجيب فعلا
اكتر جزء عجبني
شارد وشفت العجب
نور الصباح أحتجب
أقبح ما شفت الظلام
كان في بلاد العرب
جميلةجدا ..
تحياتي
Post a Comment